Цаг үеийн мэдээ · 2019-06-05

ЭРЧИМ ХҮЧНИЙ СУРГУУЛИЙН ТӨГСӨХ КУРСЫН ОЮУТНУУД ӨӨРИЙН ХҮСЭЛТЭЭР ОРОН НУТАГТ АЖИЛЛАНА

Эрчим хүчний сайд Ц.Даваасүрэн 2019.06.04-ний өдөр өөрийн хүсэлтээр орон нутагт ажиллах болсон ШУТИС-ийн Эрчим хүчний сургуулийн төгсөх курсын оюутнуудыг хүлээн авч уулзан, талархал илэрхийллээ. Тодруулбал “Алтай улиастай эрчим хүчний систем” ХК-ийн зүгээс боловсон хүчний дутагдалтай байгааг Эрчим хүчний сайд Ц.Даваасүрэнд дуулгасан. Иймд салбар яамнаас ШУТИС-ийн Эрчим хүчний сургуульд хандан орон нутагт ажиллах сонирхолтой тус сургуулийг төгссөн /одоогоор ажилгүй/ болон энэ жил төгсөх курсын оюутнуудын судалгаа гаргаж өгөхийг хүссэн юм.

Дээрх ажлын хүрээнд ШУТИС-ийн Эрчим хүчний сургуулийн Цахилгаан системийн ангийн төгсөх курсын оюутан Э.Өсөхбаяр, С.Пунцагдорж болон Дулааны процесс автоматжуулалтын ангийн төгсөх курсын оюутан М.Цогжавхлан нар өөрсдийн саналаар “Алтай улиастай эрчим хүчний систем” ХК-д ажиллах болж байгаа юм.  

Эрчим хүчний сайд Ц.Даваасүрэн“Эрчим хүчний боловсон хүчин дутмаг байгаа газар сэтгэлээ гарган очиж ажиллан аймаг орон нутгийнхаа эрчим хүчний хөгжилд хувь нэмрээ оруулах гэж байгаад баяр хүргэе. Та бүхэнд амжилт хүсье” гэсэн юм.

ШУТИС-ийн Эрчим хүчний сургуулийн Цахилгаан системийн ангийн төгсөх курсын оюутан Э.Өсөхбаяр ”Эрчим хүчний яамнаас 100% ажлын байраар хангаж өгч байгаад баяртай байна. Төгсөх курсын оюутнуудад төгссний дараа ажлын байр олно гэдэг маш том асуудал байдаг. Бид бүхэн сэтгэл их хангалуун байна. Энэхүү боломжийг олгосон Эрчим хүчний сайд Ц.Даваасүрэн болон эрчим хүчний яамны Төрийн захиргааны удирдлагын газрын дарга Г.Батгэрэлд талархснаа илэрхийлье. Та бүхний итгэлийг алдахгүйн тулд хичээх болно”гэв.

Цаашдаа Эрчим хүчний яам, ШУТИС-ийн Эрчим хүчний сургуультай боловсон хүчний бодлогоо уялдуулан хамтарч ажиллах юм.

Мэдээ мэдээлэл

САЛБАРЫН ҮЙЛДВЭР КОМПАНИУД
Монгол улсын эрчим хүчний зохицуулах хороо
Багануурын дулааны станц
Даланзадгадын дулааны цахилгаан станц
Цахилгаан дамжуулах үндэсний сүлжээ
Дархан сэлэнгийн цахилгаан түгээх сүлжээ
Улаанбаатар дулааны сүлжээ
Дорнод бүсийн эрчим хүчний систем
Эрдэнэт булганы цахилгаан түгээх сүлжээ
Дулааны гуравдугаар цахилгаан станц
Эрдэнэтийн дулааны цахилгаан станц
Налайхын дулааны станц
Сэргээгдэх эрчим хүчний үндэсний төв
Дулааны хоёрдугаар цахилгаан станц
Дулааны дөрөвдүгээр цахилгаан станц
Улаанбаатар цахилгаан түгээх сүлжээ
Диспетчерийн үндэсний төв ХХК
Алтай улиастайн эрчим хүчний систем
Багануур зүүн өмнөд бүсийн цахилгаан түгээх сүлжээ
Баруун бүсийн эрчим хүчний систем
Дарханы дулааны цахилгаан станц
Өмнөд бүсийн цахилгаан түгээх сүлжээ
Эрчим хүчний хөгжлийн төв
Эрчим хүчний эдийн засгийн хүрээлэн
Амгалан дулааны станц
Дулаан шарын гол
Баянхонгор эрчим хүч
Хөвсгөл эрчим хүч
Дархан дулааны сүлжээ