Тус төвийн Сургалт үйлдвэрлэлийн цогцолбор нь анх 1964 онд Төв цахилгаан станцын дэргэд “Ажилчдыг бэлтгэх курс” нэртэйгээр байгуулагдсанаас хойш Эрчим хүчний салбарт мэргэжилтэй ажилчид бэлтгэх, мэргэшүүлэх, давтан сургах, дадлагажуулах ажлыг 54 жилийн хугацаанд тасралтгүй гүйцэтгэж байна.
1998-2002 оны хооронд ХБНГУ-ын буцалтгүй тусламжаар “Цахилгаан станцын ажиллагсдын сургалт” төслийг тус цогцолборт хэрэгжүүлсэн.
Төслийн хүрээнд орчин үеийн техник, тоног төхөөрөмжөөр тоноглогдсон 10 лаборатори, цахилгаан дамжуулах агаарын шугамын загвар полигон, 1 удаадаа 24 сонсогчийг хүлээн авах боломжтой онолын 3 танхим, 1000 гаруй номтой номын сан, нэг ээлжиндээ 18 хүн байрлах хүчин чадалтай сонсогчдын дотуур байр, цайны газар зэрэг сурч боловсрох боломжоор хангагдсан сургалтын иж бүрэн цогцолбор болсон юм.
Утас: 70173665, 70172585
